Загадкавая дзяўчына з навыкамі прыязджае ў госці да лепшай сяброўкі-балярыны, з якой даўно не бачылася, і выяўляе, што тая скончыла жыццё самагубствам, пакінуўшы перадсмяротную запіску з просьбай адпомсціць.

Падарожжа на адным з самых раскошных цягнікоў Еўропы нечакана ператвараецца ў адну з самых стыльных і захапляльных загадак у гісторыі. Фільм распавядае гісторыю трынаццаці пасажыраў цягніка, кожны з якіх знаходзіцца пад падазрэннем. І толькі сышчык павінен як найхутчэй разгадаць галаваломку, перш чым злачынец нанясе новы ўдар.

У даследніцкім комплексе карпарацыі Амбрэла адбылася катастрофа, што панесла за сабою сотні смярцей людзей. Каб даведацца, што адбылося, туды выслалі аператыўную групу, каб разабрацца з прычынай. Але аказалася, што справа там намнога больш складаная, чым меркавалася з пачатку.

Прадстаўнік старой школы гангстараў Лені Кол кіруе Лонданам з дапамогай сілы і хабараў. Тым часам буйныя супернікі і дробныя ашуканцы спрабуюць у змаганні атрымаць сваю частку ад вялізнай зямельнай угоды расейскага мільярдэра. А быццам бы загінулы сын Лені спрабуе змяніць жыццё і пазбавіцца нарказалежнасці.

Лакадэйзі заснаваны на вэб-коміксе, створаным амерыканскім мастаком Трэйсі Дж. Батлер. Дзеянне адбываецца ў Сэнт-Луісе эпохі забароны, дзе жывуць антрапаморфныя каты.

Загадкавая дзяўчына, якая пасля аўтамабільнай аварыі пакутуе стратай памяці, выбірае сабе імя Рыта з рэкламнага плаката да фільма з Рытай Хейворт і спрабуе пачаць новае жыццё ў Галівудзе. Але таямніцы мінулага неадступна пераследуюць яе.

Галоўны герой - адмірал-генерал Аладзін, кіраўнік нафтаноснай краіны Вадыя, які кіруе ёй з жорсткасцю і абсуднымі законамі. Калі ён едзе ў Нью-Ёрк, каб выступіць у ААН, яго падступна пазбаўляюць улады. Застаўшыся без сваёй раскошы і аховы, ён вымушаны выжываць у ЗША, дзе яго прымаюць за дысідэнта.

У Пекле дэман Бліц спрабуе запусціць стартап кілерскага агенцтва на вельмі канкурэнтным рынку разам са спецыялістам па зброі Моксі, грамілай Мілі і сакратаром Лунай.

Мэдзі не карыстаецца вялікім поспехам у школе і вядзе затворніцкі лад жыцця. Аднойчы з ёй у чаце спісваецца таямнічы незнаёмец, які занадта шмат пра яе ведае. Неўзабаве яна пачынае заўважаць у ім рысы свайго памерлага бацькі. Аказваецца, што яго свядомасць была аблічбаваная навуковай карпарацыяй, і цяпер яго інтэлект і веды выкарыстоўваюцца ў камерцыйных мэтах. Мэдзі вырашае выратаваць бацьку, не разумеючы, якім магутным сілам ёй давядзецца супрацьстаяць.

Французскі анімацыйны кіберпанкавы дэтэктыў, дзеянне якога адбываецца ў 2200 годзе. Уплывовы бізнесмен наймае прыватную дэтэктыўку Алін Рубі і яе партнёра-андроіда Карласа Рыверу, каб знайсці знакамітую хакерку. Выконваючы ягонае заданне, яны нават не ведаюць, што хутка трапяць у самыя цёмныя часткі свайго свету, наведваючы нейрафермы і бардэлі ды раскрываючы справу зніклай дзяўчыны, якая выпадкова дазналася таемны план знішчэння ўсіх робатаў.